RERAWATAN PIKOBET KRAMA BALI RING NOVEL UUG OLIH I NYOMAN MANDA: SESELEH SOSIOLOGI SASTRA

Abstract

Tetilik puniki matetujon mangda prasida nelebin (1) wangun jroning lan (2) rerawatan pikobet krama Bali sane munggah ring novel “Uug”. Tetilik puniki kalaksanyang antuk palihan tetilik deskriptif kualitatif. Jejering tetilik puniki inggih punika novel sane mamurda “Uug”, karya I Nyoman Manda. Sane dados panandang ring tetilik puniki inggih punika wangun jroning lan rerawatan pikobet krama Bali sane munggah ring novel “Uug”.Kramaning mupulang data sane kaanggen ring tetilik puniki inggih punika kramaning dokumentasi lan kramaning pratiyaksa. Data tureksa ring tetilik puniki ngangge kramaning deskriptif kualitatif. Pikolih saking tetilik puniki, minakadi: (1) Wangun jroning novel sane mamurda “Uug”, kawangun olih: unteng, lelintihan, setting, genah sang pangawi, pragina lan paabah-abahnyane, basita paribasa, lan piteket. (2) Rerawatan pikobet krama Bali sane munggah ring novel “Uug” inggih punika pikobet ngeninin indik: (a) lalu-lintas lan kemacetan, (b) konsumtivisme, (c) KKN (Korupsi, Kolusi, Nepotisme), (d) demonstrasi, (e) alih fungsi lahan, (f) pangrencana tata ruang, (g) reklamasi, (h) ekonomi, (i) perselingkuhan, (j) tawuran remaja, (k) kahuripan maagama, (l) kawijakan pemerintah, (m) kawentenan Basa Bali, (n) hukum waris adat Bali, (o) pemeliharaan infrastruktur, (p) perjudian, (q) spirit idup, lan (r) biuta kulawarga. Malarapan saking indike punika prasida kauningin yening kawentenan jagat Bali ring aab mangkin sampun sayan uug. Piteket ring sajeroning tetilik puniki, majeng ring sang pangwacen kaaptiang sumangdane prasida nelebin wangun jroning ring sajeroning karya sastra lan nincapang malih ngwacen kriya sastra Bali saantukan akeh madaging guna sarat turmaning prasida kadadosang sasuluh lan titi pangancan ri tatkala ngamargiang kahuripan.
Kata Kunci : Rerawatan Pikobet, Krama Bali, Novel

This study aims to describe (1) the intrinsic elements and (2) description of the problems the people of Bali are contained in the novel "Uug".This study uses descriptive qualitative research design. Subjects of this study is novel titled "Uug" by I Nyoman Manda and description of the problems the people of Bali are contained in the novel "Uug". Data collection methods used is documentation method and observation method. Analysis of the data in this study using descriptive data analysis kualtitatif. Results from this study are: (1) intrinsic elements that build novel entitled "Uug" consists of theme, plot, setting, point of view, character, characterization, style, and mandate. (2) description of the problems the people of Bali are contained in the novel "Uug" that the problems concerning: (a) traffic and congestion, (b) konsumtivisme, (c) KKN (corruption, collusion, nepotism), (d) demonstration, (e) land conversion, (f) spatial planning, (g) reclamation, (h) economic, (i) infidelity, (j) teenage brawl, (k) religious life, (l) government policy, (m) the existence of Balinese language, (n) customary inheritance law Bali, (o) maintenance infrastructure, (p) gambling, (q) spirit alive, and (r) tempests households. Based on this, it can be seen that situation nowadays is getting destroyed Bali. Mandate in this study, the reader is expected to better understand the intrinsic elements that build a literary work, and to read more literature because literature, especially the novel contains many valuable values that can be imitated and used as a guide in life.
keyword : Description of The Problem, The People of Bali, The Novel