NUREKSAIN SOROH AKSARA BALI LAN PASANG AKSARA BALI LONTAR SATUA SAMPI WADAK DRUEN GEDONG KIRTYA

Abstract

Tetilikan puniki matetujon nelatarang (1) soroh aksara Bali sane wenten ring lontar satua Sampi Wadak, (2) pasang aksara Bali ring lontar satua Sampi Wadak, (3) kawigunan pasang aksara Bali ri kala nyurat aksara Bali. Tetilik puniki ngangge palihan tetilik deskriptif kualitatif. Jejering tetilik puniki inggih punika lontar satua Sampi Wadak. Panandang tetilikan puniki inggih punika soroh aksara lan pasang aksara Bali ring lontar satua Sampi Wadak. Tetilikan puniki ngangge tiga kramaning mupulang data inggih punika kramaning pratiaksa, ngwacen terus-terusan, miwah dokumentasi. Kramaning dokumentasi puniki kawantu antuk ngangge piranti tetilik marupa kartu data. Data tureksa sane kaanggen minakadi (1) milihin data, (2) nyelehin data, (3) nyorohang data, (4) interpretasi data, (5) panyutetan. Pikolih ring tetilik puniki inggih punika (1) Soroh aksara sane wenten ring lontar satua Sampi Wadak wenten kalih soroh aksara inggih punika aksara wresastra lan swalalita. (2) Pasang aksara Bali sane wenten ring lontar satua Sampi Wadak kantun kapanggihin pabinayan sajeroning nyurat kruna miwah lengkara yening selehin manut pasang aksara Bali purwadresta. (3) Kawigunan pasang aksara Bali ri kala nyurat aksara Bali inggih punika prasida dados panuntun ri kala nyalin saking aksara latin ka aksara Bali. Saking tetilikan puniki kaaptiang majeng ring panyurat aksara Bali mangda prasida nelebin indik sesuratan sane maaksara Bali, krama Bali sayan nguratiang kawentenan sesuratan aksara Bali ring lontar lan majeng ring panilik lian mangda nglimbakang daging tetilikan sane mapaiketan tekening aksara Bali.
Kata Kunci : soroh aksara, pasang aksara, lontar.

The aim of this study is to explain (1) kind of Balinese script that exists in the papyrus story of Sampi Wadak. (2) Pair of Balinese script in the papyrus story of Sampi Wadak. (3) the function of pair of Balinese Script when used to write the Balinese script. This Study designed as a research of descriptive qualitative. The subject of this research is the papyrus story of Sampi Wadak. The object of this research is the kind of Balinese script and script pair in the papyrus story of Sampi Wadak. The data gathered by using observation method,reading and documentation. Then the documentation backed up by data card. The data analysis that used are (1) reduction data, (2) identification data, (3) classification data, (4) interpretation data, (5) conclusion. This study shows that (1) there are two kinds of scripts that used on the papyrus story of Sampi Wadak, they are Wresastra script and Swalalita Script. (2) The Balinese script pair that is in the papyrus story of Sampi Wadak, there is still the differences in the words writing and sentences if investigated by using the Balinese pair script of Purwadresta. (3) The function of Balinese pair script when used to write is as a guidance for copying from Latin script to Balinese script. From this study the writer of the Balinese script to be expected understand deep into article that are using Balinese script, Balinese people show care the condition of the Balinese script that is exist in the papyrus and researchers to be expected to know more about study that related to Balinese script.
keyword : Kind of script, script pair, and papyrus.