WANGUN INTRINSIK LAN GUNA SARAT SOSIAL RING MAJALAH CERITA CUTET BASA BALI SATUA NOMER 39 PAMIJILAN APRIL 2014

Abstrak

Tetilikan puniki matetujon nelatarang (1) wangun intrinsik, (2) guna sarat sosial ring pupulan satua bawak Majalah Cerita Cutet Basa Bali Satua Nomer 39 Pamijilan April 2014. Pepalihan tetilik sane kaanggen ring tetilikan puniki inggih punika, deskriptif kualitatif. Jejering ring tetilikan puniki inggih punika pupulan satua bawak sane wenten ring Majalah Cerita Cutet Basa Bali Satua Nomer 39 Pamijilan April 2014. Panandang ring tetilikan puniki inggih punika wangun intrinsik lan guna sarat sosial ring sajeroning pupulan satua bawak Majalah Cerita Cutet Basa Bali Satua Nomer 39 Pamijilan April 2014. Tetilikan puniki ngangge kalih kramaning mupulang data inggih punika kramaning studi pustaka miwah kramaning dokumentasi. Pikolih ring tetilikan puniki inggih punika (1) saking seseleh wangun intrinsik, kapolihang 7 palihan wangun intrinsik sane ngwangun satua bawak ring Majalah Cerita Cutet Basa Bali Satua Nomer 39 Pamijilan April 2014 sakadi: unteng, lelintihan, pragina lan pangabah-abahnyane, rerawatan, sudut pandang, paribasa, miwah piteket, (2) saking seseleh guna sarat sosial, kapolihang 12 palihan guna sarat sosial sane wenten ring pupulan satua bawak Majalah Cerita Cutet Basa Bali Satua Nomer 39 Pamijilan April. Saking tetilikan puniki kaaptiang majeng ring sang pangwacen utamanyane krama Bali mangda sayan urati lan nglestariang kekawian ring Bali mangda nenten rered. Majalaran antuk ngresepin daging kajatian guna sarat sosial anggen dasar ngwangun tata susila sane becik, lan majeng ring panilik lianan mangda nglimbakang malih indik tetilikan sane mapaiketan ring basa Bali, mangda daging tetilikannyane nudut lan madue ajah-ajahan sane manut ring pakraman.
Kata Kunci : satua bawak, wangun intrinsik, guna sarat sosial

This study aimed at describing (1) the intrinsic elements and (2) social values in a collection of short stories “Majalah cerita cutet basa Bali Satua” number 39 April’s edition 2014. This research is a qualitative descriptive literature. The subjects were a collection of short stories “Majalah cerita cutet basa Bali Satua” number 39 April’s edition 2014. The objects of this study were the element of intrinsic and social values in a collection of short stories “Majalah cerita cutet basa Bali Satua” number 39 April’s edition 2014. This study used two methods of collecting data that were book study method and the method of documentation. Data were analyzed with measures such as data reduction, classification of data, presenting data, conclusions. The results of this study were (1) the analysis of the intrinsic elements in a collection of short stories “Majalah cerita cutet basa Bali Satua” number 39 April’s edition 2014 acquired seven intrinsic elements such as: theme, plot, character and characterization, setting, point of view, style, and the mandate, ( 2) analysis of social value obtained 12 social values contained in a collection of short stories “Majalah cerita cutet basa Bali Satua” number 39 April’s edition 2014. This research was expected readers, especially the Balinese people have to pay attention and to preserve Balinese literature, by reading can determine the contents of the social values that are used in life, for other researchhers are expected to explore the research related to the Balinese language, so result of the research will be interesting, and contains values that are useful to society.
keyword : short stories, element intrinsic, social value