BASITA PARIBASA BALI RING ALBUM MABALIH WAYANG PAKARDIN KETUT BIMBO

Abstrak

KUUB Tetilikan puniki matetujon nlatarang indik (1) soroh basita paribasa Bali miwah (2) imba lan artosnyane sane wenten ring pupulan tembang Bali album “Mabalih Wayang” pakardin Ketut Bimbo. Jejering ring tetilikan puniki pupulan tembang Album “Mabalih Wayang”. Penandang ring tetilikan puniki soroh pahan basita paribasa Bali miwah artosnyane. Tetilikan puniki nganggen palihan deskriptif kualitatif miwah ganggen metode kramaning dokumentasi miwah kramaning transkripsi sane kawantu antuk nganggen piranti tetilik marupa kartu data. Data tureksa sane kaanggen inggih punika deskriptif kualitatif, pah-pahannyane (1) nyelehin data, (2) reduksi data, (3) nyorohang data, (4) nelatarang data miwah (5) tetingkesan. Saking pupulan tembang album “Mebalih Wayang” puniki kapolihang wenten kutus tembang sane madaging basita paribasa Bali inggih punika : (1) Mabalih Wayang, (2) Nasib Jele, (3) Bajang Kangkung, (4) Main Tinju, (5) Sing Kena Baan, (6) Dakin Gigi Marasa Mentos, (7) Manis Nyakitin lan (8) Hoby. Pikolih tetilikan puniki (1) sane kapertama prasida kapanggihin 7 (pitung) pahan basita paribasa Bali minakadi : sesenggakan, wewangsalan, peparikan, sesawangan, cecangkitan, sesimbing, miwah sasemon, lan kapolihang 19 (siangolas) imbanyane. (2) kaping kalih kapanggihin artos utawi teges utamanyane inggih punika wenten kalih minakadi sane kapertama nyantenang indik tresna lan kaping kalih nyantenang indik tata susila (moral). Cutetnyane pupulan tembang Bali album “Mebalih Wayang” puniki madaging imba pahan-pahan basita paribasa Bali miwah artosnyane. Saking imba basita paribasa Bali sane kapanggihin ring pupulan tembang puniki prasida kaanggen sesuluh lan palajahan ngenenin indik basita paribasa Bali.
Kata Kunci : Tembang Bali, basita paribasa Bali, imba lan artosnyane.

ABSTRACT The aim of this study describes (1) Miscellaneous Basita paribasa Bali and (2) examples and means are contained in a collection of songs Bali album "Mabalih Wayang" by Ketut Bimbo. Subjects in this study is a Bali song album "Mabalih Wayang". The object of this research is basita paribasa Bali and meaning. This research is a qualitative descriptive study and using methods of documentation and transcription as well as assisted with data cards. Data analysis is qualitative descriptive such as, (1) analyzing the data, (2) data reduction, (3) to group the data, (4) explain the data, (5) concludes. from collection of songs album "Mabalih Wayang" there are 8 (eight) songs that contain basita paribasa Bali: (1) Mabalih Wayang, (2) Nasib Jele, (3) Bajang Kangkung, (4) Main Tinju, (5) Sing Kena Baan, (6) Dakin Gigi Marasa Mentos, (7) Manis Nyakitin and (8) Hoby. The results of this study (1) the first one there are 7 (seven) kinds basita paribasa Bali, including: sesenggakan, wewangsalan, peparikan, sesawangan, cecangkitan sesimbing, sasemon, and 19 (nineteen) examples. (2) The second meaning or the meaning of his main the first convey love and that to these two convey the moral (ethics). Bali conclusion collection of songs album "Mabalih Wayang" contains examples basita paribasa Bali as well as the meaning or significance. Of the research that has been carried out, expected the usual useful and beneficial, and conserves Bali languagr lessons especially Basita paribasa Bali.
keyword : Balinese song , basita paribasa Bali, the meaning and its example.